Asociacion Avelaina 
Febreiro_2023. Avelaíña, beneficiaria da axuda para a adquisición dun vehículo que facilita a prestación dos servizos para as persoas con enfermidade mental, a través da Consellería de Política Social e Xuventude e financiado con cargo aos Fondos da UE e o Plan de recuperación e resiliencia. financiamento da Unión Europea-Next Generation EU.
A posta en marcha desta liña de axudas obedece ao compromiso da XUNTA DE GALICIA coa mellora da atención ás persoas con discapacidade.
Para conmemorar este aniversario celebrou “ARTEnamente” un evento para dar visibilidade a saúde mental e sensibilizar á poboación moza da contorna.
Avelaíña cumpre o seu 25 aniversario ao servizo da saúde mental, celebrando esta data cun emotivo acto na Área Panorámica de Tui para informar, concienciar e romper estigmas sobre a saúde mental, dirixido aos mozos dos institutos da contorna.
Este evento contou coa actuación do monologuista Pepo Suevos, e a obra de teatro Thib, que trata a enfermidade mental e foi creada expresamente para este día pola compañía de Teatro Arte Pingue, para romper estereotipos sobre a saúde mental, así como potenciar a empatía e a tolerancia coas persoas que sofren unha enfermidade mental.
Tamén se proxectaron catro curtas, onde os protagonistas foron os usuarios.
Finalmente, as psicólogas de Avelaíña responderon as dúbidas dos mozos asistentes, que previamente depositaron nunha urna habilitada para a ocasión.
Dende Avelaíña, aseguran que a Asociación se consolidou como a Entidade de referencia en saúde mental na zona sur de Pontevedra e seguirá traballando e reivindicando a mellora da calidade de vida do colectivo.
Este acto supón o pistoletazo de salida a unha serie de eventos que a Asociación ten previsto realizar para a celebración desta efeméride.