Avelaíña inaugura un novo centro de Rehabilitación Psicosocial e Laboral en Ponteareas que dará cobertura ás Comarcas de O Condado, A Paradanta e Salceda de Caselas

Ponteareas, /29/03/2022

Contará con 30 prazas concertadas polo SERGAS  para persoas con enfermidade mental grave destas comarcas

Ponteareas, a 29 de marzo de 2022.- Arroupada por autoridades da Sanidade pública e membros das corporacións locais, a familia Avelaíña inaugurou hoxe o seu novo centro de Rehabilitación Psicosocial e Laboral para persoas con problemas de saúde mental.

Moderno e amplo, dispón de 314mts2– incluíndo unha sala de equipo, despacho para a psicóloga, un obradoiro ocupacional e sala polivalente-, na Rúa Dos Carballos, número 9 baixo de Ponteareas. Ubicado preto da estación de autobuses, facilitará a asistencia  ó  centro o tratarse dun territorio eminentemente rural, con gran dispersión e carencias no transporte, facilitando así a súa autonomía e inclusión na comunidade.

O acto que tivo lugar ás 10:30h e contou coa presenza do Conselleiro de Sanidade, D. Julio García Comesaña, autoridades sanitarias e membros das corporacións locais,  Xunta Directiva, familiares, usuarios e técnicos das diferentes delegacións da Asociación, comenzaba co recibimento de todos os invitados para proceder o descubrimento da placa por parte do Conselleiro de  Sanidade. Posteriormente a Responsable do Centro, Lorena Francisco, facía unha visita guiada polas instalacións,  finalizando  coa intervención das diferentes autoridades.

A apertura deste dispositivo supón un salto cualitativo na atención das personas con enfermidade mental nestas comarcas, xa que xorde como consecuencia da saturación do Programa Achego, pola necesidade dunha  atención máis continuada. Este programa que se ven desenrolando dende o 2016, como unha iniciativa pioneira nestes territorios, daba por primeira vez unha resposta innovadora á necesidade de atención especializada en saúde mental no rural, partindo dun entorno socio familiar e comunitario máis preto das personas afectadas.