Hoxe tivemos a honra de recibir na nosa sede a Juan González, alcalde de Nigrán. Durante a visita, estivo acompañado polo responsable do noso centro de A Guarda e realizou un percorrido polas instalacións para coñecer de primeira man o traballo que desenvolvemos.
O alcalde tivo ocasión de conversar cos usuarios e compartir un momento con eles, amosando a súa proximidade e interese polo noso labor. Posteriormente, reuniuse co xerente da Asociación Avelaíña e coa presidenta da entidade para abordar futuras colaboracións e analizar o convenio do Programa Acompaña, que contribúe a mellorar a calidade de vida das persoas usuarias.
Desde Avelaíña queremos destacar o compromiso do alcalde coa saúde mental e agradecer a súa colaboración, que supón un impulso para seguir traballando en favor da inclusión e do benestar das persoas con problemas de saúde mental.
