Voluntariado
Que é o voluntariado?
Dacordo co recollido na Lei de voluntariado de Galicia (lei 10/2011, de 28 de novembro, de acción voluntaria), a acción voluntaria é a manifestación explícita da conciencia solidaria da cidadanía.
A solidariedade, polo tanto, constitúe o principio fundamental do voluntariado, cuxo fin último adoita ser xenericamente definido como unha contribución —sen lucro ou beneficio— prestada por individuos para o beneficio da comunidade ou da sociedade en xeral.
O VOLUNTARIADO para a ASOCIACIÓN AVELAÍÑA é un compromiso libre de carácter altruísta no que as persoas voluntarias ofrecen solidariamente parte do seu tempo para potenciar a inclusión das persoas con problemas de saúde mental e mellorar a súa calidade de vida.
Perfil das persoas voluntarias en Avelaíña
- Teña idade igual ou superior a 18 anos.
- Posúa dispoñibilidade para o aprendizaxe e realización das tarefas da acción voluntaria dentro dun proxecto específico.
- Conte coa estabilidade emocional, responsabilidade e compromiso adecuados para o desenvolvemento da acción voluntaria.
- Asuma un compromiso de regularidade na prestación da colaboración.
- Consiga armonizar a práctica do voluntariado cos valores, obxectivos e misión da asociación.
Onde podo realizar o voluntariado?
Nos nosos Centros de Rehabilitación Psicosocial e Laboral situados nos concellos de A Guarda, Baiona e Ponteareas.
Sede de Avelaíña Baixo Miño
Sede de Avelaíña Val Miñor
Sede de Avelaíña Condado
Sede de Avelaíña Paradanta e salceda
- Centro Social, Rúa Oriente, 8-2
- lorena@avelaina.org.es
- 886 31 16 63
Que pasos dar?
O primeiro paso é facernos chegar o teu interese en realizar actividades de voluntariado. Para iso podes cubrir e enviarnos o formulario de inscrición que podes atopar aquí:
Como é o voluntariado en avelaíña?
- Os dereitos e deberes como persoa voluntaria quedarán recollidos nun acordo firmado por ambas partes.
- Terás acompañamento das profesionais en todo momento e contarás cunha formación previa.
- Estarás protexida por un seguro de accidentes e de responsabilidade civil,
- Poderás participar prestando o teu apoio en actividades deportivas, ocupacionais, ocio e lecer, estimulación cognitiva, actividades da vida cotiá, artes plásticas e sensibilización, entre outras.
E despois?
Avelaíña é unha entidade rexistrada no Rexistro de Acción Voluntaria de Galicia (art.32 da Lei 10/2011, do 28 de novembro, de Acción Voluntaria).
Unha vez finalizada a acción voluntaria, poderás solicitarnos o depósito da túa experiencia no rexistro da Xunta de Galicia de cara a poder obter un certificado acreditativo.
Ligazóns de interese
- Voluntariado galego
- Lei 10/2011, de 28 de novembro, de Acción Voluntaria.
- DECRETO 97/2017, do 28 de setembro, polo que se regula o Observatorio Galego de Acción Voluntaria, a planificación e a formación.
- ORDE do 14 de marzo de 2014 pola que se regula o rexistro de acción voluntaria de Galicia.
- LeI 45/2015, de 14 de octubre, de Voluntariado (Estatal).
- DECRETO 97/2017, do 28 de setembro, polo que se regula o Observatorio Galego de Acción Voluntaria, a planificación e a formación:
Faite voluntario
Únete ao noso equipo de voluntarios e se parte da solución. Ofrecemos diferentes oportunidades para que poidas contribuír, segundo os teus intereses e habilidades.